दहा वर्षांपूर्वी खून करून फरार झालेल्या आरोपीस स्थानिक गुन्हे शाखेच्या पथकाने केले जेरबंद

 दहा वर्षांपूर्वी खून करून फरार झालेल्या आरोपीस स्थानिक गुन्हे शाखेच्या पथकाने केले जेरबंद

मेहकर बुलेटिन एक्सप्रेस न्युज

 

बुलढाणा जिल्ह्यातील विविध पोलीस ठाण्यांतील अभिलेखावरील फरार आरोपींना अटक करण्याच्या सूचना जिल्हा पोलीस अधीक्षक निलेश तांबे यांनी दिल्या होत्या. त्यानुसार स्थानिक गुन्हे शाखेने विशेष पथक तयार करून शोधमोहीम हाती घेतली.

दिनांक १९ नोव्हेंबर २०२५ रोजी पथकाला मिळालेल्या गुप्त माहितीनुसार पोलीस स्टेशन रायपूर (अ.क्र. १६/२०१६, कलम ३०२, २०१, १२०(ब) भादंवि) मधील खून प्रकरणातील फरार आरोपी शेख इरफान उर्फ काल्या शेख (वय ३३, रा. मिलिंदनगर, बुलढाणा) हा बुलढाणा शहरात आल्याची माहिती मिळाली. त्यानुसार पथकाने कारवाई करून आरोपीस अटक केली व पुढील कारवाईसाठी रायपूर पोलीस स्टेशनच्या ताब्यात दिले.

दरम्यान, १८ नोव्हेंबर २०२५ रोजी पोलीस स्टेशन देऊळगाव राजा (अ.क्र. २६९/२०२४, कलम ३०९(६), ३१० BNS) मधील प्रकरणातील फरार आरोपी अभय दिलीप डोंगरे (वय २४, रा. कन्हैय्या नगर, जालना) यास जालन्यातून अटक करून संबंधित पोलीस स्टेशनकडे सुपूर्द करण्यात आले.

ही संपूर्ण कामगिरी जिल्हा पोलीस अधीक्षक निलेश तांबे, अपर पोलीस अधीक्षक अमोल गायकवाड, आणि पोलीस निरीक्षक सुनील अंबुलकर (स्थानिक गुन्हे शाखा) यांच्या मार्गदर्शनाखाली पार पडली.

कार्यवाहीत पोउपनी अविनाश जायभाये, पोहेकॉ दीपक लेकुरवाळे, दिगंबर कपाटे, पोना. अनंता फरतळे, सुनील मिसाळ, पोकॉ. गणेश वाघ, मनोज खरडे, मोपोकॉ. आशा मोरे (स्थानिक गुन्हे शाखा, बुलढाणा) यांनी सहभाग घेतला.