भरधाव ट्रकची दुचाकीला धडक; रस्ते अपघातात माय-लेकीचा जागीच मृत्यू

 प्रतिनिधी : गजानन राऊत बुलढाणा

  बुलढाणा मार्गावरील अपघाताचे सत्र थांबता थांबेना

खामगाव–नांदुरा मार्गावरील आमसरी फाट्याजवळ भीषण अपघात

बुलढाणा जिल्ह्यातील खामगाव–नांदुरा मार्गावरील आमसरी फाट्याजवळ भरधाव ट्रकने दुचाकीला जोरदार धडक दिल्याने माय आणि चिमुकल्या लेकीचा दुर्दैवी मृत्यू झाल्याची धक्कादायक घटना घडली आहे. या अपघातात पती थोडक्यात बचावले.

बुलढाणा जिल्ह्यात भीषण अपघात  झाल्याची घटना घडली आहे. एका अज्ञात वाहनाने दुचाकीला धडक दिली आहे. या भीषण अपघातात मायलेकीचा जागीच मृत्यू झाल्याची दुर्दैवी घटना घडली आहे. राष्ट्रीय महामार्ग ५६ वर नांदुरा-खामगाव दरम्यान ही अपघाताची घटना घडली आहे. आज दुपारी चार वाजण्याच्या सुमारात ही घटना घडल्याची माहिती मिळाली आहे. दरम्यान, या अपघाताच्या घटनेनंतर परिसरात हळहळ व्यक्त केली जात आहे.

या अपघातात सौ. शितल दिलीप बोंबटकर आणि कु. श्रावणी दिलीप बोंबटकर (रा. नारायणपूर, ता. नांदुरा) यांचा जागीच मृत्यू झाला. पती दिलीप प्रभाकर बोंबटकर हे गंभीर अपघातातून सुदैवाने बचावले.

ही घटना १८ डिसेंबर रोजी सायंकाळी सुमारे ४ वाजताच्या सुमारास घडली. आमसरी फाट्यासमोरून भरधाव वेगात आलेल्या एका अज्ञात ट्रकने दुचाकीला जोरदार धडक दिली. धडकेनंतर ट्रकचालक घटनास्थळावरून फरार झाला.

अपघाताची माहिती मिळताच पोलिसांनी तात्काळ घटनास्थळी धाव घेत पंचनामा केला. फरार ट्रकचालकाचा शोध सुरू असून या प्रकरणी पुढील तपास पोलीस करीत आहेत.